Боловсрол

ХЯТАД СУРАХ ДАВУУ ТАЛУУД

Монголын оюутан залуус БНХАУ-д сурах нь жилээс жилд нэмэгдэж байгаа төдийгүй одоогоор Хятадын 30 орчим хотод Монголын 8000 гаруй оюутан баклавр, мастер,  докторын боловсрол эзэмшиж байна. Бээжинд 800, Шанхайд 1000 гаруй оюутан сурдаг бол хамгийн олон буюу Хөх хотод 2000 оюутан суралцдаг. Үүгээр ч зогсохгүй 2017-онд 450,000 гаруй гадаад оюутан суралцаж байсан бөгөөд 2018-оны байдлаар энэ тоо 680,000 гаруй болтлоо маш хурдацтай өсөж байгаа билээ. Үүнтэй холбоотойгоор  Хятад сурахын онцлог болон их дээд сургуулиудын  давуу талуудтай холбоотой судалгаануудыг хүргэж байна.

Та бидний мэдэж байгаачлан манай урд хөрш нь эдийн засгийн салбар нь маш хурдацтай хөгжиж байгаа бөгөөд Ази тивээс АНУ-д шахалт үзүүлж чадахуйц том гүрэн хэмээн Дэлхий нийтээрээ анхаарал тавиж буй улс юм.

  Английн (THE) Times Higher Education-ээс 2017-оны 9н сард  2018-оны Дэлхийн Шилдэг 1000-н Их Сургуулийн жагсаалтыг гаргасан. Энэ жагсаалтанд Хятадын нийт 67 их дээд сургуулиуд байр эзэлсэн. Жишээ дурдвал Өнгөрсөн жил 29-р байранд орсон Бээжингийн Их Сургууль 27-р байранд, Бээжин хотын Чинхуа Их Сургууль 30-р байранд, Хонконгийн Их Сургууль 40-р байранд тус тус орсон. Жагсаалт нь дипломны чанар, багш нарын чанар болон тоо, сургалтын чанар цар хүрээ гэх мэт 13 зүйлээр шалгаруулдаг байна. Энэ нь Хятадын их сургуулийн боловсрол дэлхийд хэр байр суурь эзэлж байгааг харуулж байна. Цаашлаад энэ тоон үзүүлэлтийн байр нь ахих хандлагатай байгаа тухай (THE) Times Higher Education-нээс мэдэгдсэн байна.

БНХАУ-ын 2400 гаруй их дээд сургууль, коллежид элсэн суралцахаар ГауКау (高考) буюу Элсэлтийн Ерөнхий Шалгалтыг жилд дунджаар 9-өөс 10 сая гаруй сурагчид өгдөг. Үүнээс 6 сая гаруй сурагч л их дээд сургуульд суралцах боломжтой болдог боловч уг сурагчдын зөвхөн 0.1 хувь нь л Хятадын алдартай зэрэглэл сайн их сургуульдад элсэх боломжтой. Энэхүү тоон үзүүлэлт нь ЭЕШ-ын өрсөлдөөн хэр ширүүн болохыг харуулаад зогсохгүй гадаадын оюутнууд элсэн суралцснаар элит түвшиний боловсон хүчинтэй хамт суралцах болон өрсөлдөх боломжтой болж байгааг харуулж байгаа юм.

 Мөн дээр дурдсан давуу талаас гадна Хятадад суралцснаар англи болон хятад хэлээ зэрэг дээшлүүлж чадахаас гадна төлбөрийн хувьд харьцангуй хямд, Мөн бусад оронтой харьцуулахад засгийн газрын тэтгэлэгт хамрагдах өндөр боломжтой билээ. Түүнчлэн барааны үнэ болон амьдрах зардлын хувьд ч бусад оронтой харьцуулахад хямд тусдаг улс юм.

 Манай орны хувьд дэлхийд хүлээн зөвшөөрөгдсөн чанартай дипломийг хөрш зэргэлдээ ойрхон орноосоо эзэмшээд зогсохгүй төгссөн үед олон хувийн болон улсын олон байгууллагууд хамтарч ажилладаг болохоор ажилд орох боломжтой гэх мэт олон давуу талуудтай билээ.

 

  

Related posts
Боловсрол

Сурагчдын теле-хичээлд үнэлгээ хийж чанар хүртээмжийг сайжруулна

Боловсрол

Ё.Баатарбилэг: Сургууль, цэцэрлэгийн хорио цээрийг есдүгээр сарын 1-ийг хүртэл хойшлууллаа

Боловсрол

Ажлын ярилцлагын өмнө сандралыг багасгаж, тайвшрах 7 арга

Боловсрол

Боловсролын үнэлгээний төв ЭЕШ-д бэлтгэгчдэд зориулан цахим хичээлийг хүргэж эхэллээ

Хариулт үлдээх

Таны и-мэйл хаягийг нийтлэхгүй.